ဆိုရီးဟိက ဆိုအပ်ရာ၏

Cause and Effect အကျိုးတရားကြောင့် အကြောင်းဖြစ်တေ ဆိုရေပိုင် ဖြစ်ပျက်လားခပြီးရေ ကိစ္စတိုင်းရေ အကျိုးအကြောင်းတစ်ခုခုကြောင့် ဖြစ်လာရခြင်းဖြစ်တေ။ အကျိုးမဟိဘဲ အကြောင်းမဖြစ်လာနိုင်ပါ။

မေးကတ်တေ။ အကြံပြုကတ်တေ။ အကြံပီးကတ်တေ။ ရက္ခိုင့်တပ်မတော် AA အေအေကို AAအေအေဖြစ်တည်လာကတည်းကပင်အားပီးထောက်ခံလာကတ်တေ မိဘပြည်သူ အပေါင်းရို့ တိအနီနန့် အေနိအေအချိန်ခါအထိ အေအေ AAလုပ်ရပ်နန့်ပတ်သက်ပနာ ကြီးမားရေ ချို့ယွင်းချက်၊ အားနည်းချက် တိဟိခပါရေလား။ဟိခကေ အပြုသဘောဆောင်စွာဝီဖန်ထောက်ပြလို့ရပါရေ။

ဝီဖန်ထောက်ပြ အကြံပီးနီကတ်စွာတိကိုလေ့ လီးစားစွာ နားထောင်ပီးတတ်တေ အကျင့် AA အေအေမှာဟိရေဆိုစွာ မိတ်ဆွီရို့ သိကတ်ပါတေ။ ကျိုးကြောင်းဆီလျော်ပနာ သဟာဇာတအကျိုးဟိစီဖို့ အကြံပီးမှုတိကိုလေ့ အမြဲတမ်းလက်ကမ်း
ကြိုဆိုလျှက်ပါ။

လွန်ခရေ ရက်သတ္တပတ်ကဖြစ်ပျက်လားခရေ အဖြစ်အပျက်နန့် ပတ်သက်လို့ ထုတ်ပြန်ချက်တိ၊ တုံ့ပြန်မှုတိကို အေအေ AA အနီနန့်မလုပ်ပါလား ။ အားမလိုအားမရ အလိုမပြည့်ခြင်းများစွာနန့် AA ရက္ခိုင့်တပ်မတော် အားပီးထောက်ခံရေလူတိက ဖုန်း၊ မက်ဆေ့၊ email နည်းမျိုးစုံနန့် ပြောလာကတ်တေ။ အချိန်ရသလောက် ပြန်ဖြီပီးခပါရေ။

အေကိစ္စနန့်ပတ်သက်လို့သက်ဆိုင်ရာတာဝန်ခံတစ်ယောက် ထားပနာ ဖြေရှင်းပီးခပါရေ။ အချိန်မရွီးမေးလို့ရအောင်လေ့ ဖုန်းနံပကို www.facebook.com/thearakanarmy1 မှာတင်ပီးထားခပါရေ။

မိတ်ဆွီရို့ ကို လေးစားစွာအသိပီးလိုပါရေ။ ရက္ခိုင့်တပ်မတော် AA သည် မိမိပြည်သူလူထု ဒုက္ခရောက်စီရေ အပြုအမူ၊လူထုစိတ်ပျက်လားစီဖို့လုပ်ရပ်တိကို ဇာခါလေ့သင့်မလုပ်ဆိုရေ အချက်ပါ။

သက်ရောက်မှုတိုင်းမှာ တန်ပြန်သက်ရောက်မှုဟိရေ။ အကျိုးတရားကြောင့် အကြောင်းဖြစ်လာရေဆိုရေ အတိုင်းပါရာ။
ထိုင်နီကေတော့ တစ်ခုလေ့မဖြစ်လာနိုင်ပါ။ မျက်ခွက်ကို တံထွီး လာထွီးရေလူကို မိတ်ဆွီရို့ ဇာပိုင်တုံ့ပြန်ဖို့လဲ ဆိုရေ ဥပမာပိုင် ပါရာ။ အေအဖြီကိုမိတ်ဆွီရို့ တစ်ယောက်ချင်း ကိုယ့် စွာကို ဖြေနိုင်ကေ အေအေ AA အနီနန့် ဇာကြောင့် ထုတ်ပြန်ချက်တိ ရှင်းလင်းချက်တိမလုပ်ဆိုရေ အဖြီရပါရေ။ မလိုအပ်လို့ မထုတ်လို့ တိုတိုတုတ်တုတ် တော့ ပြောလိုက်ပါမယ်။

Video သက်သီနန့်အထောက်အထား၊ ထွက်ဆိုချက်တိကို အပြည့်အဝဟိကေလေ့ မလိုအပ်သိမ့်ထင်လို့ မထုတ်ဆိုစွာကိုပါ သိစီအပ်ပါရေ။ အေအေ AA သည် #မိဖပြည်သူတိရင်ထဲကဖြစ်ချင်ရေဆန္ဒကိုပြည့်ဝစီဖို့ 24/7 power အပြည့်နန့်ခရီးဆက်လျှက်ပါ။

မိဖပြည်သူလူထုအား အစဉ်လေးစားတန်ဖိုးထားလျှက်

ရခိုင်လူမျိုး  ဗိုလ်မှူးကြီး Dr. ညိုထွန်းအောင်

ရက္ခိုင့်တပ်မတော်

ဇူလိုင်လ ၁ ရက် ၊ သောကြာနိ ၊ ၂၀၁၆
မွန်းတည့်ချိန်မှာရီးရေ။