တောင်ကုတ်လူထု အင်အားပြပွဲဘာကြောင့် ပြုလုပ်ရပါသလဲ

တောင်ကုတ်လူထု အင်အားပြပွဲဘာကြောင့် ပြုလုပ်ရပါသလဲ
(ဂွမြို့နယ် အမျိုးသားလွှတ်တော်ကိုယ်စားလှယ်လောင်း ဦးတင်ညိုနဲ့ မေးမြန်းခြင်း)
ရန်ကုန်၊ အောက်တိုဘာလ ၁၉
အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည် တောင်ကုတ်မြို့သို့ ရောက်လာပြီး တစ်ရက်အကြာတွင် လူပေါင်းထောင်နှင့် ချီ၍ တောင်ကုတ်မြို့တွင် လမ်းမများပေါ် ချီတက်ကာ ရခိုင်အမျိုးသားပါတီကို ထောက်ခံကြောင်း အင်အားပြသခဲ့ကြသည်။
ထိုသို့ ချီတက်အင်အားပြခဲ့ခြင်းနှင့် ပတ်သက်ပြီး ရခိုင်အမျိုးသားပါတီမှ ဂွ-သံတွဲ- တောင်ကုတ် မြို့နယ် (၃) ခုကို ကိုယ်စားပြုပြီး အမျိုးသား လွှတ်တော်နေရာတွင် ၀င်ရောက်ယှဉ်ပြိုင်မည့် ဦးတင်ညိုကို နိရဉ္စရာက ဆက်သွယ်မေးမြန်းရာ အင်အားပြချီတက်ပွဲ ပြုလုပ်ရခြင်းနှင့် ပတ်သက်ပြီး ယခုလို စတင် ပြောကြားသည်။
“ ဟုတ်ကဲ့ပါခင်ဗျား။ ကျွန်တော်တို့ ရခိုင်အမျိုးသားပါတီက အောင်နိုင်ရေး အတွက် ကျွန်တော်တို့ ပါတီကို လိုလားတဲ့ ပုဂ္ဂိုလ် တွေရယ်၊ ကျေးရွာ သူ ကျေးရွားသားတွေရယ်၊ ပါတီဝင်တွေရယ်၊ တောင်ကုတ်မြို့ပေါ် ကားအစီး ၁၀၀ လောက်နဲ့ လှည့်လည်ပြီးတော့ ပြည်သူတွေဆီက မေတ္တာကို ရယူပြီးတော့ ရခိုင်အမျိုးသား ပါတီကို ထောက်ခံကြဖို့ အခုလှည့်လည်ပြီး လှုံ့ဆော်နေပါတယ် ခင်ဗျား။”
မေး- ဟုတ်ကဲ့၊ လူပေါင်းက ဘယ်လောက် ပူးပေါင်းပါဝင်ပါသလဲ။
ဖြေ- လူပေါင်း ၃၀၀၀ ကျော်လောက်တော့ ရှိပါမယ် ခင်ဗျား။
မေး- အဲသလို အင်အားပြ ချီတက်တာကို တောင်ကုတ်မြို့မှာ ဘာကြောင့် အခုမှ လုပ်ရတာပါလဲ။
ဖြေ- ဒီရခိုင်မြေပေါ်မှာ ရခိုင် အမျိုးသားတီဆိုတာကတော့ အောင်နိုင်ရမယ့် ပါတီ တစ်ခု ဖြစ်ရမယ်။ ဒါကြောင့် ရခိုင်အမျိုးသားတွေ အနေနဲ့ ကိုယ့် အမျိုးသားပါတီကို အားပေးဖို့အတွက်၊ ကိုယ့် ရခိုင်မြေပေါ်မှာ ရခိုင် ပါတီ အောင်နိုင်ရေးအတွက်အခုလို လှည့်လည်ပြီးတော့ အင်အားပြ လှုံ့ဆော်ရတာ ဖြစ်ပါတယ်။
မေး- ဟုတ်ကဲ့။မနေ့ကဘဲ အမျိုးသားဒီမိုကရေစီ အဖွဲ့ချုပ် က ဒေါ်အောင်ဆန်းစုကြည် တောင်ကုတ်ကို လာသွားတယ်။ ဒီနေ့မှာ တစ်ခါ ရခိုင်အမျိုးသား ပါတီက အင်အားပြတယ်ဆိုတော့ အမျိုးသား ဒီမိုကရေစီ အဖွဲ့ချုပ်နဲ့ အားပြိုင်တဲ့ သဘောမျိုးဖြစ်မနေဘူးလား။
ဖြေ- အဲသလိုတော့ မဟုတ်ပါဘူး။ ကျွန်တော်တို့ ရခိုင်အမျိုးသားတွေ အနေနဲ့ ငါတို့ အမျိုးသီလ နှစ်ဌာကို စောင့်ရှောက်တဲ့ ရခိုင်အမျိုးသားတွေပါ။ ဆိုပြီးတော့ ရခိုင်အမျိုးသားတွေ အနေနဲ့ ကိုယ်အမျိုးသား အကျိုး စီးပွားကို စောင့်ရှောက်နိုင်ဖို့၊ အားလုံး စည်းရုံး ၀ိုင်းဝန်း ပါဝင်ဆောင်ရွက်ကြဖို့ဆိုတဲ့ ရည်ရွယ်ချက်နဲ့ လုပ်တာပါ။
မေး- တောင်ကုတ်လူထုကကော ထောက်ခံတဲ့ အနေအထားကကော ဘယ်လို ရှိပါသလဲ။
ဖြေ- ရှိပါတယ်။ ရှိပါတယ်။ တောင်ကုတ်မြို့ သမိုင်းမှာ ဒီလောက်အင်အားနဲ့ ဒီလောက်များပြားတဲ့ လှုံ့ဆော်မှုမျိုး အရင်က တစ်ကြိမ်တစ်ခါမှ မရှိခဲ့ပါဘူး။
မေး- ဒီလို ထောက်ခံရတဲ့ အပေါ်မှာကော ဘယ်လို့ မြင်ပါလဲ။
ဖြေ- ကျွန်တော်တို့ ပြည်သူတွေကို ကျွန်တော် ရခိုင်အမျိုးသား ပါတီသည် ရခိုင်ပြည်နယ် မှာ အောင်နိုင်ရမယ့် ပါတီ တစ်ခု ဖြစ်ပြီးတော့ ရခိုင် ကိုယ့်အမျိုးသားအကျိုးစီးပွားကို အမှန်တကယ် ဆောင်ရွက်ရမယ့် ကိုယ့် အမျိုးသား ပါတီဆိုတာကို ပြည်သူတွေ ပိုမိုပြီးတော့ သိရှိသွားအောင် ရည်ရွယ်ပြီး လှုံ့ဆော်မှု ပြုလုပ်ရခြင်း ဖြစ်ပါတယ်။ အခုလို လုပ်တာဟာ အထူးအောင်မြင်တယ်လို့ ပြောချင်ပါတယ်။
မေး- သံတွဲနဲ့ ဂွမြို့တို့မှာကော လုပ်ဖို့ အစီအစဉ် ရှိပါသလား။
ဖြေ- ကျွန်တော်က အခု တောင်ကုတ်ကို မဲဆွယ်စည်းရုံးရေးရောက်နေ ပါတယ်။ အခုလောလောဆယ်တော့ မပြောနိုင်သေးပါဘူး။
မေး- ကျွန်တော်တို့ကို သတင်းပေးတဲ့ လူတွေက လူပေါင်း သောင်းနဲ့ ချီပြီး ပါတယ်လို့ ပြောနေကြပါတယ်။ အဲဒါမဟုတ်ဘူးလား ခင်ဗျား။
ဖြေ- မြို့ပေါ်က ကြိုဆိုသူတွေနဲ့ဆိုရင် လူတွေက အများကြီးပါ။ လူတွေ အကုန်လုံး လမ်းပေါ်ထွက်ပြီး ကြိုဆိုကြပါတယ်။ ရပ်ကွက်တိုင်း ရပ်ကွက်တိုင်းမှာ ပန်းကုံးတွေစွပ်ပြီး ကြိုဆိုကြပါတယ်။
Credit > Arakan State (fb)