ပြည်သူတစ်ယောက်၏ မေးခွန်း.......သရ၀ဏ်(ပြည်)

ဒီမေးခွန်းတွေကို ကြံ့ခိုင်ရေးပါတီက မှန်ကန်စွာ့ 
ဖြေကြားပေးလျှင်ဖြင့် ပါတီဝင်အသင်းသားအဖြစ်
တရားဝင် ကူးပြောင်းပါမည်။
(မိသားစု၊ဆွေမျိုးရင်းချာ၊အပေါင်းအသင်း၊)
အားလုံးကို မဲဆွယ်စည်းရုံးပေးမည်ဟု ကတိပြုမည်။
=====================================
ကျွန်တော်သည် ဥာဏ်ရည်နုံနဲ့သူဖြစ်သည်။
ကြံ့ခိုင်ဖွံ့ဖြိုးရေးပါတီနှင့်ပါတ်သက်လာလျှင်
ကျွန်တော်မရှင်းလင်းသော ၊ မည်သို့မျှ
မစဉ်းစားတတ်သော ကိစ္စလေးအနည်းငယ်ရှိသည်။ မေးခွန်းအနည်းငယ်ရှိသည်။ ခုရှုပ်မှ နောင်ရှင်း
ဆိုသလို ထိုကိစ္စများကို သက်ဆိုင်ရာပါတီ
ီခေါင်းဆောင်များမှကျွန်တော် သဘောပေါက်
နားလည်လာအောင် ရှင်းပြနိုင်ပါက
အလွန်ကျေးဇူးတင်မိပေမည်။ ရှင်းပြမည်ဟုလည်း
ယုံကြည်မျှော်လင့်ပါသည်။ ထိုအခါကျွန်တော်သည်
ပါတီထဲသို့ ၀င်ရန်သာရှိပါတော့သည်။
ပထမအချက်အနေဖြင့်ကျွန်တော်မေးလိုသည်မှာ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်း နှင့်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ သည်
အတူတူပဲလားဟူသောမေးခွန်းဖြစ်ပါသည်။
အဘယ့်ကြောင့်ဆိုသော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်းသည် အစိုးရပိုင်အသင်းကြီးဖြစ်ခဲ့သည်။ အစိုးရပိုင်အသင်း
ဖြစ်စဉ်က အသင်းပိုင်ရုံးခန်းများ၏ မြေနေရာနှင့်
အဆောက်အဦ အားလုံးသည် နိုင်ငံတော်ဘဏ္ဍာငွေ
ွဖြင့် တည်ဆောက်ထားသော ရုံးခန်းများဖြစ်သည်။
ထိုသို့ နိုင်ငံတော်ပိုင်မြေနှင့်ရုံးများသည် အသင်းကြီးအဖြစ်မှ နိုင်ငံရေးပါတီတစ်ခုအဖြစ်သို့ ပြောင်းလဲ
ဲလိုက်သောအခါ နိုင်ငံတော်ပိုင်ပစ္စည်းများကို
နိုင်ငံတော်သို့ ပြန်အပ်ရမည်ဖြစ်သည်။
နိုင်ငံရေးပါတီဆိုသည်မှာ နိုင်ငံတော်ပိုင်မဟုတ်သဖြင့် ယခင်နိုင်ငံတော်ပိုင်အသင်းကြီး၏မြေနေရာ၊
ဘဏ္ဍာငွေ၊ အဆောက်အဦး၊ လက်ကျန်ငွေ၊
စီးပွားရေးလုပ်ငန်းစသည်များကိုတစ်ခုမကျန်
နိုင်ငံတော်သို့ပြန်အပ်ရပေမည်။ ပြည်သူတို့၏
ချွေးနည်းစာဖြစ်သော နိုင်ငံတော်ဘဏ္ဍာငွေသည်
ပါတီတစ်ခုအတွက်သုံးလို့ ရ၏..မရ၏...
ကျွန်တော်သိချင်သည်။ ထို့ကြောင့်
ကြံ့ခိုင်ရေးအသင်းကြီး၏ မြေများ၊ တိုက်များ၊
ရုံးခန်းများ၊ စီးပွားရေးလုပ်ငန်းများ ကို
ပြည်ခိုင်ဖြိုးပါတီက မိဘအမွေသားသမီးဆက်ခံသလို ယူလိုက်ခြင်းမှာတည်ဆဲဥပဒေနှင့် ညီ မညီ၊
နိုင်ငံတော်အေးချမ်းသာယာရေးနှင့်
ဖွံ့ဖြိုးရေးကောင်စီသည် ပြည်သူပိုင်ပစ္စည်းများကို
နိုင်ငံရေးပါတီတစ်ခုသို့ ကိုယ့်သဘောနှင့်ကိုယ်
ပေးပိုင်ခွင့် ရှိ မရှိ ၊ ပြည်ထောင်စုကြံ့ခိုင်ရေးနှင့်
့်ဖွံ့ဖြိုးရေးပါတီသည် နိုင်ငံပိုင်ပစ္စည်းကို
ပါတီအတွက်လွှဲပြောင်းရယူပိုင်ခွင့်
ရှိ မရှိ ကျွန်တော်သိလိုပါသည်။
ဒုတိယသိလိုသည်မှာ
အသင်းကြီးကိုစတင်တည်ထောင်သူ
နာယကကြီးဖြစ်သော အငြိမ်းစားဗိုလ်ချုပ်မှုးကြီး
သန်းရွှေ အကြောင်းဖြစ်သည်။
ပြည်ခိုင်ဖြိုးပါတီသည် ပြည်ခိုင်ဖြိုးအသင်းမှ
ဆင်းသက်လာသည်ဖြစ်ရာ အသင်းကြီး၏ မူလပထမ စတင်တည်ထောင်သူ တစ်ယောက်အကြောင်းကို
ပါတီကရှင်းပြနိုင်လိမ့်မည်ဟု ယူဆ၍
မေးရခြင်းဖြစ်ပါသည်။ ကျွန်တော်သိလိုသည်မှာ
ဗိုလ်ချုပ်မှုးကြီးသန်းရွှေ(ငြိမ်း) ယခု နေ နေသော
အိမ်တော်ဟုခေါ်သည့် နေပြည်တော်မှ မြေနေရာနှင့်အဆောက်အဦးသည် သူ၏ချွေးနည်းစာဖြင့်
လစာဝင်ငွေထဲမှ စုဆောင်းကာ
ဆောက်လုပ်ထားခြင်းလော၊ သို့တည်းမဟုတ်
နိုင်ငံတော်ပိုင်ဘဏ္ဍာငွေများဖြင့်
ဆောက်လုပ်ထားခြင်းလော မရှင်းသဖြင့်
မေးချင်ပါသည်။
သူ့ငွေဖြင့်သူဆောက်လုပ်ထားပါသည်ဟု
တစ်ခွန်းဖြေလျှင် ဘာမှစောဒကတက်၍
ရှေ့ဆက်မမေးတော့ပါ။
သို့သော်
နိုင်ငံတော် ဘတ်ဂျက်ငွေဖြင့်ဆောက်ထားပါသည်
ဆိုလျှင် မရှင်းတာလေးအနည်းငယ်ရှိပါသည်။
နိုင်ငံတော်ဝန်ထမ်းတစ်ယောက်အား
တာဝန်ထမ်းဆောင်စဉ် ပေးထားသောအိမ်သည်
သက်ပြည့်ပင်စင်ယူ၍ (အမှန်မှာ သက်ကျော်ပင်စင်ဟုပင် ပြောရမလိုဖြစ်ပေသည်။ စကားချပ် ။)
ရာထူးမှအနားယူသွားသောအခါ ထိုအိမ်တွင်
ဆက်နေ၍ ရ မရ သိလိုပါသည်။
နိုင်ငံတကာတွင် အမေရိကန်သမ္မတအဆက်ဆက်
်သည် ရာထူးမှနှစ်စေ့၍ဆင်းသွားသောအခါ အိမ်ပေါ်မှ ဆင်းပေးရပါသည်။ နောက်သမ္မတနေရန်
အိမ်အသစ်ထပ်ဆောက်ရရိုးထုံးစံမရှိပါ။
အိမ်ဖြူတော်သည် လေးနှစ်တစ်ခါ (သို့မဟုတ်)
ရှစ်နှစ်တစ်ခါ သမ္မတများပြောင်းနေပါသည်။
ဗြိတိန်တွင်လည်း ၀န်ကြီးချုပ်အသစ်
တက်လာသောအခါ ၀န်ကြီးချုပ်ဟောင်းသည်
လန်ဒန်မြို့ အမှတ်(၁၀) ဒေါင်းနင်းလမ်းနေအိမ်မှ
ထွက်ခွာပေးကြရစမြဲဖြစ်သည်။
မြန်မာနိုင်ငံတွင်လည်း တပ်မတော်သားဝန်ထမ်းများသည် အသက် (၆၀) ပြည့်၍ပင်စင်ယူသောအခါ ရရှိထားသော လိုင်းခန်း (သို့မဟုတ်) အရာရှိအိမ်ယာကို စစ်တပ်သို့ပြန်အပ်ရပါသည်။
က.ပ.စ တွင်အလုပ်လုပ်သော ကျွန်တော်၏မိတ်ဆွေ တပ်မတော်သားတစ်ဦးသည် ပင်စင်ယူသောအခါ
နေစရာမရှိတော့သဖြင့် သူတို့မိသားစုထဲမှ
တစ်ယောက်ကို အလုပ်ထဲတွင်ပြန်သွင်းထားပြီးမှ
ထိုအိမ်ယာကိုပြန်နေခွင့်ပြုရန်လျှောက်လွှာတစ်ခါပြန်တင်ကာ ဘောင်ဝင်အောင်ဆောင်ရွက်ရပါသည်။
အခြား အရပ်ဘက်ဝန်ထမ်းများလည်း ထိုနည်းနှင်နှင်
်ဖြစ်ပါသည်။ ၀န်ထမ်းဘ၀ကရခဲ့သောအိမ်သည်
ပင်စင်ယူသောအခါ အပြီးအပိုင်ရလိုက်သည်ဟူ၍
လည်း မကြားဖူးပါ။
ထို့ကြောင့် တပ်ချုပ်ကြီး(ဟောင်း) ၏ အိမ်သည်
ကိုယ်ပိုင်အိမ်လား ၊ နိုင်ငံတော်ပိုင်အိမ်လား
သိလိုခြင်းဖြစ်ပါသည် ။
တတိယတစ်ချက်သိလိုသည်မှာ
ပင်စင်လစာကိစ္စဖြစ်ပါသည်။ ၂၀၁၁ ခုနှစ် မတ်လ (၃၁) ရက်နေ့မှစ၍ ပင်စင်ဦးစီးဌာနမှ ခံစားခွင့်ပြုလိုက်သည့် ပင်စင်လစာငွေများမှာ ဗိုလ်ချုပ်မှုးကြီး သန်းရွှေ (ငြိမ်း) ၏ ပင်စင်လစာမှာ တစ်လလျှင်
ကျပ် သိန်း(၁၀၀) ၊ ဒုတိယဗိုလ်ချုပ်မှုးကြီးမောင်အေး (ငြိမ်း) မှာ တစ်လလျှင် ကျပ်သိန်း (၈၀) ခံစားခွင့်
ရှိသည်ဟုဆို၏ ။ ၂၀၀၈ ဖွဲ့စည်းပုံအခြေခံဥပဒေ
အခန်း(၃) ပုဒ်မ (၅၈)တွင် နိုင်ငံတော်သမ္မတသည်
ပြည်ထောင်စုသမ္မတမြန်မာနိုင်ငံတော်
တစ်ဝန်းလုံးတွင်နိုင်ငံသားအားလုံး၏ အထွတ်အထိပ်နေရာရရှိသည် ဟုဖော်ပြပါရှိ၏ ။ ထိုသို့ဆိုလျှင်
ဖွဲ့စည်းပုံဥပဒေအရ နိုင်ငံတော်၏ အထွတ်အထိပ်ဖြစ်သည်ဟုဆိုသော သမ္မတဦးသိန်းစိန်က လုပ်ခလစာ တစ်လလျှင် သိန်း (၅၀)ပဲရနေပါလျက်
အထွတ်အထိပ်မဟုတ်တော့သော
ပုဂ္ဂိုလ်တစ်ယောက်၏ ပင်စင်လစာငွေမှာ
အထွတ်အထိပ်ထက် နှစ်ဆများနေသည်မှာ
ဖွဲ့စည်းပုံအခြေခံဥပဒေနှင့် ညီညွတ်ခြင်း ရှိ မရှိ ၊
ဖွဲ့စည်းပုံအခြေခံဥပဒေကို ချိုးဖောက်ရာ
ရောက် မရောက် သိရှိလိုပါသည်ခင်ဗျား။
တစ်ဖန်နိုင်ငံရေးဆုငွေ
(အရပ်အခေါ်ဂရယ်ဂျူတီကြေး) ချီးမြှင့်ရာတွင်လည်း အငြိမ်းစားဗိုလ်ချုပ်မှုးကြီးသန်းရွှေ၏ ခံစားခွင့်မှာ
သိန်းပေါင်း ( ၂၃၀၀ ) ဖြစ်သည်ဟုသိရပါသည်။
ထိုကိစ္စသည် ကောလဟလလား တကယ်လား
သိလိုပါသည်။ တကယ်ဖြစ်ပါက Gratuity ကြေး
သိန်း (၂၃၀၀) ရအောင်တွက်လိုက်သော တွက်နည်းစနစ်ကို သိလိုပါသည် ။ သာမန်အားဖြင့်ဝန်ထမ်းများအငြိမ်းစားယူသောအခါ Gratuity (ခေါ်) လုပ်သက်
ခံစားခွင့် တွက်ချက်သော ပုံသေနည်းမှာ ကျွန်တော်သိသလောက် အောက်ပါအတိုင်း
တစ်နိုင်ငံလုံးတွက်ကြပါသည်။
အငြိမ်းစားမယူမီ
နောက်ဆုံးရခဲ့သော လစာ x လုပ်သက် ÷ (၂) ဖြစ်ပါသည်။
ဤနည်းဖြင့် တွက်ချက်ပါက ဗိုလ်ချုပ်မှုးကြီးသန်းရွှေ၏လုပ်သက်ကို (၄၅)နှစ်ဖြင့် စဉ်းစား၍တွက်ချက်လျှင် သူ၏မူရင်းလစာမှာ တစ်လလျင်သိန်း (၁၀၀) ရှိပါမှ
ဂရယ်ဂျူတီကြေး
သိန်း (၂၃၀၀) ခန့်ရပေလိမ့်မည်။
ထို့ကြောင့်ဗိုလ်ချုပ်မှုးကြီးသန်းရွှေ၏ မူရင်းလစာမှာ တစ်လသိန်းတစ်ရာလား၊ ထိုသို့သိန်းတစ်ရာ လစာရခဲ့လျှင် ပင်စင်ကျတော့ ဘယ်လိုလုပ် တစ်လ
သိန်းတစ်ရာဖြစ်သွားသလဲ မရှင်းပေ။
ပင်စင်တွက်နည်းမှာ နောက်ဆုံးရလစာကို လုပ်သက်နှင့် မြှောက်ပြီး တပ်မတော်သားဆိုလျှင် (၅၀)နှင့်စားရပါသည်။
အရပ်ဘက်ဝန်ထမ်းဆိုလျှင် (၇၀) နှင့်စားရပါသည်။ တစ်လလျှင်ယခင်က လစာ သိန်း (၁၀၀) ရခဲ့လျှင
်တော့ လုပ်သက် (၄၅)နှစ် နှင့် မြှောက်ကာ (၅၀)နှင့်
စားလိုက်သောအခါ သိန်း(၉၀)ရပါသည်။
တွက်နည်းတွင် တပ်မတော်သားများအတွက်
မူရင်းလစာနှင့်အတူ အရည်အချင်းလစာ၊ နှစ်တိုး၊
အိမ်ငှားခများပါ ထပ်ထည့်လေ့ရှိရာ ဤသိန်း(၉၀) မှ သိန်း(၁၀၀) ရသွားသည်ဆိုလျှင် ဖြစ်နိုင်ပါသည်။
ဆိုလိုသည်မှာ ဗိုလ်ချုပ်မှုးကြီးသန်းရွှေ၏ ပင်စင်မယူမီက လစာမှာ တစ်လလျှင် သိန်း (၁၀၀)ဖြစ်ခဲ့လျှင်
်တော့ ပင်စင်ကြေး သိန်းတစ်ရာဆိုတာရော၊
လုပ်သက်ခံစားခွင့် (Gratuity) သိန်း (၂၃၀၀) ဆိုတာရော စာရင်းကိုက်ပါသည်။
သို့သော် ပြသနာမှာ ဗိုလ်ချုပ်မှုးကြီးတို့ယခင်က လစာ ဘယ်လောက်ယူခဲ့ပါသည်ဟု
နိုင်ငံတော်ပြည်သူများကိုတစ်ခါမှ လူရာသွင်း၍
မကြေငြာခဲ့ခြင်းဖြစ်သည်။
ထို့ကြောင့် ကျွန်တော်သိလိုသည်မှာ
ပြည်ခိုင်ဖြိုးအသင်းကြီး၏ မူလတည်ထောင်သူ
နာယကကြီး ဦးသန်းရွှေ၏ ပင်စင်မယူခင်က
ခံစားခဲ့သောတရားဝင်လစာသည် တစ်လလျင်
်သိန်း(၁၀၀)ကျပ် ဟုတ် မဟုတ် သိလိုပါသည်။
မဟုတ်ခဲ့လျှင် ပင်စင်နှင့် ဂရယ်ဂျူတီကြေးကို
မည်သည့် တွက်နည်းဖြင့် တွက်လိုက်သလဲဆိုတာ
သိလိုပါသည်။ ဟုတ်ခဲ့လျှင် လုပ်ခလစာ တစ်လလျှင် ကျပ်သောင်းဂဏန်းဖြင့် တစ်နိုင်ငံလုံးနှစ်ပေါင်းများစွာ ပင်ပန်းဆင်းရဲနေချိန်တွင် ဤမျှများသောလစာကို
မည်သည့်အချိုးချလစာစနစ်ဖြင့် ရယူခဲ့သလဲ
သိလိုပါသည်။
နောက်တစ်ခုသိလိုသည်မှာလည်း
ပြည်ခိုင်ဖြိုးဥက္ကဋ္ဌဟောင်း နှင့်ဥက္ကဋ္ဌသစ်၏
ပင်စင်လစာအကြောင်းဖြစ်သည်။
တပ်မတော်ပင်စင်လစာအဖြစ် ပြည်ခိုင်ဖြိုးပါတီဥက္ကဋ္ဌဟောင်း လက်ရှိနိုင်ငံတော်သမ္မတကြီးဦးသိန်းစိန်
်သည် တစ်လ ကျပ်သိန်း(၅၀)ပင်စင်ရသည်ဟု
သိရပါသည်။ လက်ရှိပါတီဥက္ကဋ္ဌလည်းဖြစ်
ပြည်ထောင်စုလွှတ်တော်နာယကလဲဖြစ်သူ၊
သူရဦးရွှေမန်းသည်လည်း ပင်စင်လစာ တစ်လ
သိန်း(၅၀) ဟုသိရပါသည်။ ထိုမှတစ်ဖန်
လက်ရှိသမ္မတလစာ အဖြစ် ဦးသိန်းစိန်က
တစ်လလျှင် သိန်း(၅၀) ၊
ဦးရွှေမန်းက ပြည်သူ့လွှတ်တော်ဥက္ကဋ္ဌရာထူး
အတွက်လစာ တစ်လလျှင် (၃၅)သိန်းရနေပြီ
ဖြစ်သည်။ ထိုသို့ဆိုလျှင် ကျွန်တော်သိလိုသည်မှာ
ပြည်ခိုင်ဖြိုးပါတီ ဥက္ကဋ္ဌဟောင်း နှင့်
လက်ရှိဥက္ကဋ္ဌသစ်တို့သည် လက်ရှိရာထူးအတွက်လဲ လစာယူသည်၊ တပ်မတော်ပင်စင်အတွက်လဲ
သိန်း(၅၀) ၊(၃၅)သိန်းစသည်ဖြင့်
နှစ်ပြန်နှစ်လဲယူနေကြပါသလား၊
လစာတစ်မျိုးထဲပဲယူပါသလား၊
လစာနှစ်မျိုးကိုတစ်ပြိုင်တည်းရယူခံစားနေကြပါလျှင် တိုင်းပြည်ဘဏ္ဍာကို ထိုသို့ရယူခံစားခြင်းမှာ
ဖွဲ့စည်းပုံအခြေခံဥပဒေနှင့် ညီညွတ်ပါရဲ့လား
ဟူ၍ဖြစ်ပေသည။်
နောက်ထပ်မေးခွန်းမှာ ရွေးကောက်ပွဲအတွက်
်မဲဆွယ်စည်းရုံးစဉ်ကာလနှင့်သက်ဆိုင်သည် ။
၂၀၁၀ ရွေးကောက်ပွဲအတွက် မဲဆွယ်စည်းရုံးရေး
လုပ်ငန်းများလုပ်ကိုင်ဆောင်ရွက်ရာတွင်
ပြည်သူလူထုကို ပြည်ခိုင်ဖြိုးပါတီက
လမ်းများခင်းပေးခြင်းလဲပါဝင်ပါသည်။
ကျွန်တော်သိလိုသည်မှာ ထိုသို့မဲဆွယ်စည်းရုံးမှု
အဖြစ် ခင်းပေးသောကွန်ကရစ်လမ်းများသည်
နိုင်ငံတော်ဘဏ္ဍာငွေဖြင့်ခင်းပေးသည်လား၊
ပြည်ခိုင်ဖြိုးပါတီ၏ ကိုယ်ပိုင်ငွေဖြင့်
ခင်းပေးတာလား သိလိုရင်းဖြစ်သည်။
နိုင်ငံတော်ဘဏ္ဍာဖြင့် ခင်းပေးသည်ဆိုပါက
နိုင်ငံတော်ဘဏ္ဍာကို နိုင်ငံရေးပါတီတစ်ခု၏
မဲဆွယ်စည်းရုံးမှုအတွက် သုံးခွင့် ရှိ မရှိ
သိလိုပါသည်။ ပြည်ခိုင်ဖြိုးပါတီ၏ ကိုယ်ပိုင်ရန်ပုံငွေ
ဖြင့် စေတနာသက်သက် ခင်းပေးခဲ့သည်ဟုဆိုလျှင်
ကျေးဇူးတင်ပါသည်။
တစ်ခုထပ်မေးချင်သည်မှာ
ပြည်ထောင်စုကြံ့ခိုင်ရေးနှင့်ဖွံ.ဖြိုးရေးပါတီ နှင့်
ရန်ကုန်မြို့တော်စည်ပင်သာယာရေးကော်မတီသည် ဘိလပ်မြေဂိုဒေါင်တစ်ခုကို နှစ်ဖွဲ့အတူ
မျှသုံးပါသလား၊ နှစ်ဖွဲ့ပူးတွဲ၍ ပိုင်ဆိုင်ပါသလားဟု
သိချင်စိတ်လဲဖြစ်မိပါသည်။
အဘယ့်ကြောင့်ဆိုသော် ကျွန်တော်နေထိုင်သော
မြောက်ဥက္ကလာပမြို့နယ်၊ (ဆ)ရပ်ကွက်အတွင်းမှ
လမ်းတစ်လမ်းကို ပြည်ခိုင်ဖြိုးပါတီမှ မဲဆွယ်သည်
့အနေဖြင့် ကွန်ကရစ်လမ်းခင်းပေးပါသည်။
ပြည်ခိုင်ဖြိုးပါတီမှခင်းပေးသည့်အတွက်
ကျေးဇူးတုန့်ပြန်သောအနေဖြင့် လမ်းထဲမှ
လူငယ်များ ပြည်ခိုင်ဖြိုးပါတီသို့ဝင်ကြရပါသည်။
ပါတီတံဆိပ်ပါသော တီရှပ်အကျီ င်္များ
ဝတ်ကြရပါသည်။ လမ်းခင်းရန်အတွက် ဘိလပ်မြေထုတ်သောအခါ ကျွန်တော်တို့လမ်းထဲမှ လူ ဆယ်ဦးခန့် သူတို့ခေါ်သောကားဖြင့် လိုက်သွားရပါသည်။ ဘိလပ်မြေသွားထုတ်ရသောဂိုဒေါင်မှာ
ရန်ကုန်မြို့တော်စည်ပင်သာယာရေးကော်မတီမှ
ပိုင်ဆိုင်သော အစိုးရဌာနဆိုင်ရာဂိုဒေါင်ဖြစ်ပါသည်။ ထို့ကြောင့် ကျွန်တော်ယနေ့အထိမရှင်းသည်မှာ
ကျွန်တော်တို့လမ်းကို ကွန်ကရစ်ခင်းပေးသူ
ကျေးဇူးရှင်မှာ ရန်ကုန်မြို.တော်စည်ပင်လား ၊
ပြည်ထောင်စုကြံ့ခိုင်ရေးနှင့်ဖွံ.ဖြိုးရေးပါတီလား
ဆိုသည်ကို သဲသဲကွဲကွဲမဆုံးဖြတ်တတ်ပါ။
နောက်ထပ်မသဲကွဲသောအချက်တစ်ခုကိုလည်း တစ်လက်စထဲ မေးပါရစေ…
ကျွန်တော်သည်ဧည့်လမ်းညွှန်အဖြစ် ပုဂံဒေသဘက်သို့သွားသောအခါ အညာဒေသ (အထူးသဖြင့်)
ကျောက်ပန်းတောင်းနှင့် ညောင်ဦးကြား ရွာအချို့တွင် ပြည်ခိုင်ဖြိုးရွာ ဟူသော ကျောက်စာတိုင်လိုလို
ကမ္ဗည်းမော်ကွန်းလိုလို ဆိုင်းဘုတ်များကိုရွာထိပ်
ကားလမ်းနဘေးလူမြင်သာသောနေရာများတွင်
မကြာခဏတွေ့ရပါသည်။ ပြည်ခိုင်ဖြိုးသည်
နိုင်ငံရေးပါတီအဖြစ်အသွင်မကူးပြောင်းမီ
ပြည်ခိုင်ဖြိုးအသင်းကြီးအဖြစ်ရှိစဉ်က
နိုင်ငံတော်ဘဏ္ဍာငွေဖြင့် ရွာကိုကူညီခ့သဖြင့်
ပြည်ခိုင်ဖြိုးရွာဟု ဂုဏ်ဖော်ကာ ကျောက်တိုင်
စိုက်ထူခဲ့ခြင်းဖြစ်မည်။ သို့သော် ပြည်ခိုင်ဖြိုးသည်
နာမည် ၊ တံဆိပ် ၊ ဆောင်ပုဒ် မပြောင်းပဲ
ပြည်ခိုင်ဖြိုးအမည်ဖြင့်ပင် နိုင်င်ငံရေးပါတီအဖြစ်
ကူးပြောင်းရောက်ရှိသွားပြီဖြစ်ရာ အရင်ခေတ်က
နိုင်ငံတော်ပိုင် (ပြည်သူ့ငွေ)ဖြင့် ထောက်ပံ့ကူညီခဲ့
့သော ကျေးရွာတစ်ရွာ၏အမည်ကို ယခုအခါ
နိုင်ငံရေးပါတီဖြစ်နေသော ပါတီအမည်ဖြင့်
ပြည်ခိုင်ဖြိုးရွာဟု ကြော်ငြာ ဆိုင်းဘုတ်
ရေးထိုးထားခြင်းမှာ နိုင်ငံတော်ငွေဖြင့်
ပါတီအတွက်မဲဆွယ်နေခြင်းဖြစ်သောကြောင့်
ဤကိစ္စသည် ရွေးကောက်ပွဲဥပဒေဖြင့်
ညီညွတ်၏ မညီညွတ်၏ကို သိလိုပါသည်။
နောက်ဆုံးအနေဖြင့် ရွေးကောက်ပွဲကော်မရှင်ဥက္ကဋ္ဌ ဒုတိယဗိုလ်ချုပ်ကြီးတင်အေး(ငြိမ်း) အကြောင်းကိုမေးမြန်းလိုပါသည်။
ဒုတိယဗိုလ်ချုပ်ကြီးဟောင်း
ဦးတင်အေးသည် မူလက
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ၀င်
တစ်ယောက်သာမက ပါတီထိပ်တန်းခေါင်းဆောင
်တစ်ဦးဖြစ်ပါသည်။
၂၀၁၀ ရွေးကောက်ပွဲတွင် မန္တလေးတိုင်းတံတားဦးမြို့နယ်၊ ပြည်သူ့လွှတ်တော်မဲဆန္ဒနယ်တွင် ပြည်ခိုင်ဖြိုးပါတီကိုကိုယ်စားပြု၍ ၀င်ရောက်ယှဉ်ပြိုင် အရွေးခံခဲ့သူဖြစ်ပါသည်။ လွှတ်တော်အမတ်ဖြစ်ပြီးကာမှ
သမ္မတကြီးတာဝန်ပေးခန့်အပ်၍
ရွေးကောက်ပွဲကော်မရှင်ဥက္ကဋ္ဌဖြစ်လာသူဖြစ်သည်။ ကျွန်တော်သိလိုသည်မှာ ရွေးကောက်ပွဲကော်မရှင်
်ဥက္ကဋ္ဌ ဦးတင်အေးသည် ယခုလက်ရှိတွင် ပြည်ခိုင်ဖြိုးပါတီဝင်ဖြစ်နေသေးပါသလား၊
ပါတီမှတရားဝင်နှုတ်ထွက်လိုက်ပြီလား
သိလိုပါသည်။ ပါတီဝင်ဖြစ်နေသေးလျှင်
ရွေးကောက်ပွဲကော်မရှင်ဥက္ကရာထူး ယူထားသူသည် နိုင်ငံရေးပါတီတစ်ခုခု၏ ပါတီဝင် ဖြစ်နေ၍
ရ၏...မရ၏...သိလိုပါသည်။
ပါတီမှနုတ်ထွက်ပြီးဖြစ်သည်ဟုဆိုလျှင်
သမ္မတကြီးဦးသိန်းစိန်သည် ပြည်တွင်းပြည်ပ ခရီးစဉ်များတွင် ဦးတင်အေးကိုမကြာခဏ ခေါ်ယူ
လိုက်ပါစေခြင်းသည် ကြံ့ခိုင်ရေးပါတီဝင်အချင်းချင်းမို့ခေါ်သွားသည်လား၊ တပ်မတော် D.S.A
အပါတ်စဉ် (၉) ကျောင်းဆင်းဘက်ချင်းမို့
မျက်နှာသာပေးကာခေါ်သွားသည်လားသိလိုပါသည်။
ထိုသို့တစ်ပါတီထဲမှတက်လာသူ သမ္မတနှင့်
ရွေးကောက်ပွဲ ဒိုင်လူကြီးလုပ်မည့်သူတို့ ရင်းနှီးလွန်းနေခြင်းသည် နောင်ရွေးကောက်ပွဲများတွင်
ပြည်ခိုင်ဖြိုးပါတီ အသာစီးရစေရန် အားသာချက်
ဖြစ် မဖြစ် သိလိုပါသည်။
တစ်ဖန်ဦးတင်အေးက
၂၀၁၂ ကြားဖြတ်ရွေးကောက်ပွဲ မဲဆွယ်
်စည်းရုံးစဉ်ကာလများတွင် အတိုက်အခံပါတီကြီး
တစ်ခုမှ ပါတီဝင်အချို့သည် ကြယ်ငါးပွင့်အလံများကို ကိုင်ဆောင်ခဲ့ကြသဖြင့် အလံတော်ဥပဒေအရ အရေးယူ၍ ရသည်၊ ကန့်ကွက်သူရှိလျင်အရှုံးပေးပစ်မည်ဟု ပုသိမ်ခရီးစဉ်တွင်မိန့်ကြားခဲ့ပါသည်။
ထိုအခါသတိရ၍ မေးလိုသည်မှာ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ
ီညီလာခံကြီးတွင် တည်ဆဲသုံးရောင်ခြယ်
နိုင်ငံတော်အလံကို ပြောင်းပြန်ဇေါက်ထိုး
လွှင့်ထူခဲ့ခြင်းကို အလံတော် ဥပဒေအရ အရေးယူ၍ ရ မရ၊ ပါတီမှအရေးယူခဲ့ခြင်း ရှိ မရှိ သိလိုပါသည်။
ကျွန်တော်သိလိုသောအကြောင်းအရာ မြောက်များစွာရှိပါသေးသည်…
(ဥပမာ-အစိုးရအဖွဲ့ဝင်နိုင်ငံ့ခေါင်းဆောင်များနှင့်
လွှတ်တော်အမတ်များ ၏ ပိုင်ဆိုင်မှုဓနဥစ္စာ
ထုတ်ဖော်ကြေငြာရေးအဆိုကို ဘာ့ကြောင့်
လွှတ်တော်တွင် ပြည်ခိုင်ဖြိုးအမတ်များ
ကန့်ကွက်ကြသည်၊ White Card ကိုင်ထားသော
နိုင်ငံသားမဟုတ်သူဘင်္ဂလီများမဲပေးခွင့်၊
ပါတီထောင်ခွင့်ပြုထားခြင်းကို လာမည့်
၂၀၁၅ ရွေးကောက်ပွဲတွင်
ဘယ်လိုသဘောထားသည်၊ စသည်ဖြင့်…)။
သို့သော် အလုပ်မအားသည့်ကြားထဲမှ
လူကြီးများခေါင်းခြောက်မည်စိုးသောကြောင့်
ဤမျှသာမေးခွန်းမေးလိုက်ပါသည်။
တကယ်မရှင်း၍ မေးခြင်းဖြစ်၍ ရိုင်းတာပါခဲ့လျှင်ခွင့်လွှတ်စေချင်ပါသည်။ ကျွန်တော်သိလိုသည်များကို တိတိကျကျ မှန်မှန်ကန်ကန် မြန်မြန်ဆန်ဆန်
သိရသည်နှင့် ကျွန်တော်ကိုယ်တိုင်လည်း
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသို့
ဝင်ပါမည်။ မိသားစုကိုလည်းဝင်စေပါမည်။
အခြားသူများကိုလည်း ၀င်ဖို့တိုက်တွန်းပါမည်။
ကျွန်တော့်အတွက် ပါတီဝင်လျှောက်လွှာတစ်စောင်
်ချန်ထားပေးပါခင်ဗျား။
ကျေးဇူးးးးးးးးးးးး
သရ၀ဏ်(ပြည်)
လေးစားလျက်
(ကျော်ဇေယျ post -fb)