မြန်မာ့ငြိမ်းချမ်းရေးဖော်ဆောင်သည့် ကိုယ်စားလှယ်များနှင့် မတွေ့ဆုံနိုင်ကြောင်း

ယခင် မြန်မာ့ငြိမ်းချမ်းရေးဖော်ဆောင်သည့် ကိုယ်စားလှယ်များနှင့် မတွေ့ဆုံနိုင်ကြောင်း
MNTJP/MNDAA ၊ PSLF/TNLA ၊ ULA/AA တို့၏ ပူးတွဲသဘောထားထုတ်ပြန်ကြေညာချက်

၁၃၇၈ ခုနှစ်၊ တန်ခူးလပြည့်ကျော် (၄) ရက်
၂၀၁၆ ခုနှစ်၊ ဧပြီလ (၂၆) ရက်

ဒုတိယဗိုလ်ချုပ်ကြီး(ဟောင်း) ခင်ဇော်ဦး နှင့် ယခင် UPWC ကိုယ်စားလှယ်များအား မိမိတို့ သုံးဖွဲ့ဖြစ်သော မြန်မာနိုင်ငံ အမှန်တရားနှင့်မျှတမှု အမျိုးသားပါတီ/မြန်မာအမျိုးသားဒီမိုကရက်တစ် မဟာမိတ်တပ်မတော် - MNTJP/MNDAA ၊ ပလောင်ပြည်နယ်လွတ်မြောက်ရေးတပ်ဦး/တအာင်းအမျိုးသားလွတ်မြောက်ရေးတပ်မတော် - PSLF/TNLA နှင့် ရက္ခိုင်အမျိုးသားအဖွဲ့ချုပ်/ရက္ခိုင့်တပ်မတော် - ULA/AA တို့က အလွတ်သဘော မတွေ့ဆုံနိုင်ကြောင်း ရှင်းလင်းအသိပေးအပ်ပါသည်။

မိမိတို့သုံးဖွဲ့သည် တိုင်းရင်းသားလက်နက်ကိုင်တော်လှန်ရေးအဖွဲ့အစည်းများနှင့်အတူ NCCT/SD တို့တွင် တက်ကြွစွာပါဝင်ခဲ့ပြီး အားလုံးဆွေးနွေးသဘောတူထားသည့် တစ်နိုင်ငံလုံးဆိုင်ရာ အပစ်ရပ်စဲရေးစာချုပ် NCA ကို အားလုံးအတူတကွ ပါဝင်လက်မှတ်ရေးထိုးလိုသော်လည်း မြန်မာ့တပ်မတော်နှင့် UPWC တို့က သဘောမတူခဲ့ပါ။

ကချင်၊ ရှမ်း၊ တအာင်း၊ ကိုးကန့်၊ ရခိုင် အစရှိသည့် တိုင်းရင်းသားဒေသအသီးသီးတို့တွင် မြန်မာ့တပ်မတော်၏ တိုက်ခိုက်ရေးတပ်ဖွဲ့များမှာ ယခုအချိန်ထိ အများအပြား တပ်စွဲနေရာချထားလျှက်ရှိပါသည်။ ထို့အပြင် မြန်မာ့တပ်မတော်မှ အကြောင်းပြချက် အမျိုးမျိုးဖြင့် တိုက်ပွဲအရှိန်မြှင့်ရန် ဆောင်ရွက်နေပြီး၊ လတ်တလော အခြေအနေ၌ မြန်မာ့တပ်မတော်ပိုင် မြဝတီသတင်းစာတွင် ဖော်ပြထားသည့်အတိုင်း ရခိုင်ဒေသ၌ မြန်မာ့တပ်မတော်မှ ရက္ခိုင့်တပ်မတော်အား အမြစ်ပြတ် ထိုးစစ်ဆင်တိုက်ခိုက်နေမှုများကို ဆက်လက်ပြုလုပ်နေဆဲဖြစ်သည်။

ထို့ကြောင့် ယခင် မြန်မာ့ငြိမ်းချမ်းရေးဖော်ဆောင်သည့်ကိုယ်စားလှယ်များမှ အလွတ်သဘောတွေ့ဆုံရန် ဆက်သွယ်ညှိနှိုင်းခဲ့သည့်အပေါ် မိမိတို့ ကိုးကန့်တပ်မတော်၊ တအာင်းတပ်မတော်နှင့် ရက္ခိုင့်တပ်မတော်တို့က မတွေ့ဆုံနိုင်ကြောင်း သဘောထားထုတ်ပြန်အပ်ပါသည်။

မြန်မာနိုင်ငံ အမှန်တရားနှင့်မျှတမှု အမျိုးသားပါတီ/
မြန်မာအမျိုးသားဒီမိုကရက်တစ် မဟာမိတ်တပ်မတော် - MNTJP/MNDAA

ပလောင်ပြည်နယ်လွတ်မြောက်ရေးတပ်ဦး/ တအာင်းအမျိုးသားလွတ်မြောက်ရေးတပ်မတော် - PSLF/TNLA

ရက္ခိုင်အမျိုးသားအဖွဲ့ချုပ်/ရက္ခိုင့်တပ်မတော် - ULA/AA
> credit; original source