ရခိုင်အမျိုးသားပါတီပြောရေးဆိုခွင့်ရှိသူ ဦးဦးလှစော နှင့် တွေ့ဆုံခြင်း

================

“NLD နဲ့ဆက်ဆံရေးဟာ ကျွန်တော်တို့ လိုတဲ့ဟာ ဖြစ်မလာဘူး။ NLD ကအေးတိအေးစက်လုပ်တယ်။ကျွန်တော်တို့ကိုတန်းတူ မဆက်ဆံဘူးလို့ ယူဆလာတဲ့အတွက်ကြောင့် ကျွန်တော်တို့ ကြေညာချက်တွေထုတ်တဲ့ အဲဒီအပေါ်မှာ UNA အုပ်စုတွေက ကျွုန်တော်တို့ကိုဘာတုံ့ပြန်မှုမှ မရဘူး ”

ရခိုင်ပြည်နယ်တွင် ရွေးကောက်ပွဲ၌ မဲအများဆုံး အနိုင်ရထားသည့် ရခိုင် အမျိုးသားပါတီတွင်း အခြေအနေများ၊ အစိုးရ ဖွဲ့နိုင်သည် အထိ ရွေးကောက်ပွဲ အနိုင်ရထားသည့် NLD ပါတီနှင့် ဆက်ဆံရေး အခြေအနေ များနှင့်ပတ်သက်ပြီး ရခိုင် အမျိုးသားပါတီ၏ ပြောရေးဆိုခွင့် ရှိသူ ဦးဦးလှစောနှင့် ပြည်သူ့ခေတ်က တွေ့ဆုံပြီး မေးမြန်းထားသည်များကို ကောက်နှုတ် တင်ပြ ပေးထားပါသည်။

ဗီနိုတွေ့ဆုံ မေးမြန်းသည်။

•• လက်ရှိပါတီ အတွင်းရေး ကိစ္စဘယ်လောက်ထိပြောနိုင်မလဲ ခင်ဗျား။ မီဒီယာတွေ ပြောနေ သလိုပါတီနှစ်ခုပြန်ကွဲသွားနိုင်သလား ခင်ဗျား။

•• ကျွန်တော်အမြင်ကတော့ ပါတီမှာ ဖြစ်နေတဲ့ ကိစ္စကတော့  အပြင်ကပြောသလိုတော့ သိပ်ကြီးကြီးမားမားမဟုတ် လောက်ဘူးလို့ ထင်ပါတယ်။ ဒါပေမယ့်လည်း ပါတီထဲမှာ Faction  (အုပ်စုကွဲမှု) လို့ခေါ်မှာပေါ့ဗျာ။ ဘယ်ပါတီမှာမဆို သဘောထား ကွဲလွဲတာမျိုးတော့ ရှိတာပဲလေ။  မီဒီယာတွေပြောသလောက်ထိ ကွဲပြဲတဲ့အဆင့်ထိမရောက်ခဲ့ပါဘူး။

•• UNA  (ညီညွတ်သော တိုင်းရင်းသားလူမျိုးများ မဟာမိတ်အဖွဲ့)  နဲ့လက်တွဲဖြုတ်လိုက်တဲ့ကိစ္စမှာလည်း လူတော် တော်များကစိတ်ဝင်စားနေကြတယ်။ဒါကိုရော ဘယ်လောက်ထိပြောနိုင်မလဲ ခင်ဗျား။

•• ကျွန်တော်တို့က ပါတီနှစ်ပါတီပေါင်းထားတယ်ဆိုတော့ ALD  (ရခိုင် ဒီမိုကရေစီ အဖွဲ့ချုပ်) ဆိုတာက အရင်တုန်းက UNA နဲ့နီးစပ်တယ်။ ကျွန်တော်တို့ RNDP (ရခိုင် တိုင်းရင်းသားများ တိုးတက်ရေးပါတီ) ဆိုတာက NBF (ညီနောင်တိုင်းရင်းသား ပါတီများဖက်ဒရေးရှင်း)  ကိုဦးဆောင်ဖို့လုပ်တဲ့ အဖွဲ့ထဲမှာပါတယ်။ အဲဒီတော့ ALDနဲ့ RNDP ပေါင်းပြီး ANP (ရခိုင် အမျိုးသား ပါတီ)  ဖြစ်လာတဲ့အခါမှာ တစ်ဘက် ခြမ်းက UNA နဲ့ပေါင်းထားတယ်။တစ်ဘက်ခြမ်းက NBF နဲ့ပေါင်းထား တယ်။ အဲဒီ တော့ ရွေးကောက်ပွဲပြီးလို့ရှိရင် ဒီဟာကိုပြတ် ပြတ်သားသား ဆုံးဖြတ်မယ်ဆိုပြီး အရင်ကတည်းကရှိခဲ့ တာပါ။ ခုကတော့ NBF နဲ့ပဲ ဆက်ပူးပေါင်းမယ် UNA နဲ့ မနေတော့ဘူး ဆိုပြီး ဖြတ်တောက်လိုက်တယ်။အဲဒါပါပဲ။ ဖြတ်တောက်လိုက်တဲ့ ရည်ရွယ်ချက်က NLD  (UNA အဖွဲ့ဝင်) နဲ့ဆက်ဆံရေးဟာ ကျွန်တော်တို့ လိုတဲ့ဟာ ဖြစ်မလာဘူး။ NLD ကအေးတိအေး စက်လုပ်တယ်။ကျွန်တော်တို့ကိုတန်းတူ မဆက်ဆံဘူးလို့ ယူဆလာတဲ့အတွက်ကြောင့် ကျွန်တော်တို့ ကြေညာချက်တွေထုတ်တဲ့ အဲဒီအပေါ်မှာ UNA အုပ်စုတွေက ကျွုန်တော်တို့ကိုဘာတုံ့ပြန်မှုမှ မရဘူး။ဝေဖန်တာမျိုးလည်း မရှိဘူး။

နောက်တစ်ခုက UNA မှာပါတဲ့ ဇိုမီးအဖွဲ့ဥက္ကဋ္ဌက  ရခိုင်တွေကို တော်တော်လေး စော်ကားမော်ကားပြောထားတဲ့အပိုင်း တွေရှိတယ်။ မီဒီယာတစ်ခုမှ တွေ့လိုက်ရတယ်။ အဲဒီတော့ UNA မှာပါတဲ့ ခေါင်းဆောင်တွေက ကျွန်တော်တို့ပါတီကို အဲလိုလုပ်တဲ့ အခါကျတော့ UNA ဆိုတာ ကျွန်တော်ဘက်မှာ မရှိဘူးလို့ခံစားရတယ်။ အဲဒီအချိန်မှာ NBF ကလူတွေ ကျွန်တော်တို့အပေါ်မှာ ကျွန်တော်တို့ထုတ်ပြန်ချက်တွေအပေါ်မှာ၊ကျွန်တော်တို့ကိုနားလည်ပေးကြပါတယ်။

အဲဒါကြောင့် တွဲလောင်းတွဲလောင်းနေတာတော့မဖြစ်တော့ဘူးဆိုပြီး မဲခွဲပြီးတော့ CEC အစည်းအဝေးမှာ ပြတ်ပြတ်သားသား ဆုံးဖြတ်လိုက်တယ်။ဒါကြောင့် ကျွန်တော်တို့ဟာ UNA နဲ့မသွားတော့ဘူး။ NBF နဲ့ပဲသွားတော့မယ်ဆိုပြီး ဖြစ်သွားတာပါ။ ဒါကြောင့် NBF ကို ရွေးချယ်လိုက်တာပါ။ NBF ကတော့ ကျွန်တော်တို့သဘောထားနဲ့ လည်းတော်တော်လေးနီး စပ်ပါတယ်။ ဒီမိုကရေစီနိုင်ငံရေး၊တိုင်းရင်းသားတွေအရေး၊ကိုယ်ပိုင်ပြဋ္ဌာန်းခွင့် ၊ဖက်ဒရယ်ပြည်ထောင်စု ပေါ်ထွန်းရေးဆိုတဲ့ မူတွေက ကျွန်တော်တို့လက်ခံလို့ရပါတယ်။ ပြည်တွင်းငြိမ်းချမ်းရေးညီလာခံမှာဆိုလည်း NBFက သူအတိုင်းသူသွားနေတာပဲ။

•• NLD ရဲ့ အပြုသဘောမဆောင်တဲ့ ပုံစံက ဘယ်လိုမျိုးလဲ။ တွေ့ဆုံဆွေးနွေးပွဲလုပ်ဖို့ တစ်ဖက်နဲ့တစ်ဖက် ကမ်းလှမ်းတာမျိုး မလုပ်ခဲ့ကြဘူး လား။

•• ကျွန်တော်တို့ဘက်က NLD နဲ့တွေ့ဆုံဆွေးနွေးပဲလုပ်ဖို့ လူတွေတောင်ရွေးထားပြီးပြီ။NLD ရခိုင်ပြည်နယ်မှာလာပြီးတော့ ဝန်ကြီးချုပ် အစိုးရအဖွဲ့ ဖွဲ့စည်းဖို့ပြောခွင့်ရှိပါတယ်။ ပြောခွင့်ရှိမယ်ဆိုရင် ဒီရခိုင်ထဲမှာလာပြီး  နိုင်ငံရေးမူဘောင် ကိစ္စလေးပြော ဖို့ဆိုတာ ဘာခက်တယ်ထင်လို့လည်း တစ်ယောက်ယောက်လာပြီး ရခိုင်မှာရှိတဲ့ခေါင်းဆောင်တွေနဲ့ နိုင်ငံရေးမူဘောင်ကိစ္စ ဒီလောက်လေးသေးသေးဖွဲ့ဖွဲ့လေးတောင် မပြောဘူးဆိုတာကျတော့ ကျွန်တော်တို့က သူတို့ကို မျှော်တော်ယောင်လုပ်နေ ရမှာလား။နိုင်ငံရေးလုပ်တယ်ဆိုတာ စစ်တပ်က ဦးသိန်းစိန်နဲ့ ငြိမ်းချမ်းရေးဆွေးနွေးပွဲလုပ်ဖို့ခေါ်လိုက်တယ်။KNU ၊ အခြားအဖွဲ့တွေ ကလည်းလာတယ် ပြေလည်တာ မပြေလည်တာတစ်ပိုင်းပေါ့။ အဲဒီတော့ တစ်ယောက်ကခေါ်ရင်နောက်တစ်ယောက်က မဆွေးနွေးနိုင်ဘူးဆိုရင်လည်း မဆွေးနွေးနိုင်ဘူး လို့ ပြောလိုက်။ ခုဟာက ဆွေးနွေးမယ်လိုလို မဆွေးနွေးသလိုလိုနဲ့။ နောက်တစ်ခု က သူတို့ကလူကြီး။ လူကြီးဆိုတာ လူငယ်ကိုတွဲခေါ်ရတယ်။ သဘောထားကြီးရတယ်။

•• ANP  အနေနဲ့ဒေါက်တာအေးမောင်ပြောသလို အတိုက်အခံ ပါတီတစ်ခုအနေနဲ့ပဲ ရပ်တည်သွားမယ်ဆိုတာ ဘယ်လိုရည်ရွယ် ချက်နဲ့ပြောတာလဲခင်ဗျား။

•• အတိုက်အခံဆိုတာ ဘယ်လိုဆိုလိုတာပါလိမ့်။ မြန်မာပြည်မှာ အတိုက်အခံဆိုတာကို သိပ်မသဲကွဲသေးတဲ့ သဘောရှိတယ်။ဥရောပ နိုင်ငံတွေရဲ့ အယူအဆ အတိုင်းသွားတယ်ဆိုတာ မရှိပါဘူး။ ဥရောပ အယူအဆအတိုင်းသွားနေတာ မြန်ပြည်မှာ မရှိပါဘူး။ဥရောပအတိုင်းသွားတာက အေ အုပ်စုက အာဏာရတယ်။  ဘီ အုပ်စုက အတိုက်အခံဆိုလို့ရှိရင် ဘီအုပ်စုက မပြုတ် ပြုတ်အောင် တောက်လျှောက်တိုက်နေလိမ့်မယ်။ အားလုံးကိုဆန့်ကျင်တယ်။NLD ကလည်း ၂ဝ၁ဝကနေ ၂ဝ၁၅အထိ အတိုက်အခံလို့ပြောတယ်။တကယ်တော့ NLD ဟာ အနှစ်သာရအားဖြင့် အတိုက်အခံမဟုတ်ဘူး။ အတိုက်အခံဆိုတာ မပြုတ်ပြုတ်အောင်တိုက်မှာပဲ။ ဘာမှ ပူးပေါင်းစရာကိုမရှိဘူး။ အခု ကျွန်တော်တို့ ပြောတာက NLD ကောင်းတာလုပ် ရန်လက်ခံမယ်။ မကြိုက်တာလုပ်ရင် ဝေဖန်မယ်ထောက်ပြမယ်။ဆန့်ကျင်ရင်ဆန့်ကျင်မယ်။ ဆန္ဒပြရင်ပြမယ်။ အဲလိုမျိုး သဘောပါပဲ။ NLD နဲ့တော့ ပူးတွဲပြီးတော့မလုပ်ဘူး။ကိုယ်ဟာကို သီးခြားပဲ ရပ်တည်မယ်။ ကိုယ် သင်္ကေတ နဲ့ကိုယ်နေမယ်။ အဲလိုသဘောကိုပြောတာ။ NLDကခေါ်တဲ့ ဝန်ကြီးဌာနတို့ ဘာတို့ ကျွန်တော်တို့ စိတ်လည်းမဝင်စား ဘူး။ယူလည်းမယူဘူး။ ဒါပေမယ့် NLD ကောင်းတာလုပ်ရင်တော့ ကျွန်တော်တို့ လက်ခံမယ်။ လက်ခုတ်တီးပေးမယ်။ ပူးပေါင်းလုပ်ဆောင်ဖို့ အတွက်ကတော့ သူတို့ကိုယ်တိုင် ပူးပေါင်းချင်တဲ့ဆန္ဒမရှိပဲနဲ့ ကျွန်တော်တို့က ဘာသွားပြောရမလဲ။

•• ပါတီခေါင်းဆောင်အပြောင်းအလဲက ဘယ်လိုမျိုးဖြစ်သွားသလဲခင်ဗျာ။

•• ပါတီခေါင်းဆောင်က အရင်အတိုင်းပါပဲ ဦးအေးမောင်ပါပဲ။ ဦးအေးမောင်က မဲရှုံးတော့လွှတ်တော် ထဲမှာ မရှိတော့ဘူး။ ၂ဝ၁၇ပါ တီညီလာခံလုပ်တဲ့အခါကျရင် ဘယ်သူခေါင်းဆောင်ဖြစ်မလဲတော့ မပြာတတ်ဘူးပေါ့။

•• ဦးအေးသာအောင်ရဲ့ အခန်းကဏ္ဍက ရောဘယ်လိုဖြစ်သွားသလဲ။

•• ဦးအေးသာအောင်ကတော့ ကျွန်တော်တို့လိုပဲ။ ဥက္ကဋ္ဌအဖွဲ့မှာလည်း မပါဘူး။အတွင်း ရေးမှူး အဖွဲ့မှာလည်း မပါဘူး။ RNDP တုန်းက ကျွန်တော်က အထွေထွေအတွင်းရေးမှူးပေါ့။ဦးလည်း ဘယ်ဟာမှာမှ မပါတော့ဘူး။ ကျွန်တော်က လွှတ်တော်ထဲရောက်သွားတယ်။ အဲဒီတုန်းက ဦးအေးမောင်ကတော့ ဥက္ကဋ္ဌ လွှတ်တော်ထဲရောက်သွားတယ်။ ကျွန်တော်က လွှတ်တော်ပြင်ပထဲမှာ အခုကတော့ ကျွန်တော်တို့လွှတ်တော်ထဲရောက်သွားတယ်။ သူကတော့မဲရှုံးတယ်။

•• ရခိုင်ပြည်နယ်ရဲ့ လိပ်ခဲတည်းလည်း ဖြစ်နေတဲ့ လူမျိုးရေးအကျပ်အတည်းတွေကိုင်တွယ်ဖို့အတွက် ဘယ်သူ့မှာ ပိုတာဝန်ရှိတာလဲ။ ဘယ်လိုနည်းတွေက ပြေလည်နိုင်မလဲ။

•• အဲဒီပြဿနာကတေ့ အဓိကကတော့ အာဏာရနေသူနဲ့ပဲဆိုင်တယ်။ သူတို့က ပြတ်ပြတ်သားသားကိုင်တွယ်ရင် အဆင်ပြေမှာပေါ့။ ခုဟာက ပြတ်ပြတ်သားသားမရှိဘူး။တရားဥပဒေ စိုးမိုးရေးမရှိဘူးဆိုတာ ကျွန်တော်လက်ခံပါတယ်။ဒေါ်အောင်ဆန်းစုကြည် တောက်လျှောက်ပြောနေတာလည်း အဲဒါပါပဲ။ အဲဒီတော့ ဥပဒေနဲ့ ပြတ်ပြတ်သားသားကိုယ်မယ်ဆိုရတယ်။

ဥပဒေနဲ့လည်း မကိုင်ဘူး။ နိုင်ငံတကာမှာရှိတဲ့ အဖွဲ့အစည်းတွေ၊ OIC လို အဖွဲ့အစည်းတွေကလည်း ဟိုစွ ဒီစွနဲ့ဆိုတော့ ဘယ်လိုဖြစ်မလဲ တော့ မပြောတတ်ဘူး။ လောလောဆယ်တော့ ငြိမ်နေတယ်။ ကိုယ်တွယ်တတ်ရင်တော့ အေးအေးဆေးဆေးနဲ့ ဖြည်းဖြည်းချင်းငြိမ်သွားမှာပေါ့။မကိုင်တွယ် တတ်ဘူးဆိုရင် အဲဒီပြဿနာက ကြီးရင်လည်း ကြီးလာနိုင်တယ်။

ကျေးဇူးတင်ပါတယ်ခင်ဗျား။

Credit : မင်းဘာကြီး