မြို့ချေ ဇီးစိလောက်မှာ စီးကပ်တေလား ဆိုင်ကယ် ဆိုစော်။ လမ်းကမကောင်း ဖုန်ကထရေနဲ့ အဂုလှည်းကေ အဂုတင်ရေ ဖုန်မှုန့် ။ လမ်းကကျဉ်းစော်မှာ တခါ ဆိုင်ကယ်စတန့်မင်းသားတိက မကန်။ အားနဲ့မောင်းကပ်တေလားဆိုစော် ဗန်းရကပ်လား။ အားနဲ့မောင်းကေ ဗန်းရကပ်လား။ ဟိုနားဒေနားလေ့ ဆိုင်ကယ် ။ ခြီဆယ်လှမ်းတောင်မပြည့်ကေလေ့ ဆိုင်ကယ်နဲ့။ အမှန်ဆိုကေ ဆိုင်ကယ်စီးလောက်အောင်လေ့ မကျယ်ရေမြို့မှာ အယင်ခါပိုင် တတိတ်ဆဆိတ်နဲ့ နားငြီးလေ့သက်သာ သဘာဝပတ်ဝန်းကျင်ကိုလေ့မညစ်ညမ်းစီ ဖေ့သာလေ့ချွေတာရာရောက် ကျန်းမာရေးလေ့ရ ရေ လမ်းပန်းလျှောက်ပနာလားကပ်ကေ အကောင်းဆုံး။ (ကိုယ်တိုင်လေ့ဆိုင်ကယ်ထက်ကမဆင်း ဤကားစကားချပ်) အသက်မပြည့်သိ့ ဆိုင်ကယ်ကို ထိန်းထားလို့မနိုင်သိ ခြီဖျား ထောက်လို့မမီသိ စီးဖို့ခိုင်းထားကပ်တေ မိဘတိလေ့ သတိထားဖို့ကောင်းရေ။ ဆိုင်ကယ်တိလေ့အများလက်လှမ်းမီရေဈီးနဲ့ ဝယ်နိုင်ကပ်စော်က တကြောင်း ယာဉ်စည်းကမ်းလမ်းစည်းကမ်းအကြောင်း တလုံးလေ့နားမလည် ဆိုင်ကယ်သဘောလေ့နားမလည် စက်နှိုးပနာ တက်ခွကေ ရွာကိုရောက်တေလို့ရာသိကပ်တေ။ ဆိုင်ကယ်လိုင်စင်လေ့မဟိ မောင်းရေလိုင်စင်လေ့မဟိ ။ ကိုယ့်ကိုယ်ကို ကာကွယ်ဖို့ ဦးထုပ်လေ့မဆောင်းကပ် ။ ဆိုင်ကယ်စီးရေ တိုးပွားလာရေ မြို့မှာ ယာဉ်မတော်တဆမှုတိလေ့ ဟိလာယာဒေ။ အယင်ခါပိုင် အချေတိကို လွှတ်ထားလို့မရကပ်ယာ ။ စည်းကမ်းမဲ့ မောင်းနှင်မှု ဘယ်ညာမသိ လမ်းကြောရရာက လားကပ်တေ။ လမ်းလယ်ကောင်မာလေ့ရပ်ကပ်တေ ။ စက်နှိုးပနာလေ့ဆီထည့်ကပ်တေ ။ ခု နှစ်ဘီးတိ ဆွဲနီကပ်တေ။ ဆိုင်ကယ်ကို ညကမြင်ဖူးသိရေ ။ ဒေနိန့်ခါလူတင်လို့ ကယ်ရီပို့ရေ ။ တစ်ယောက်တင်လို့မဟုတ် နှစ်ယောက်တင်ရေ။ တခါတလီ မိန်းမနှစ်ယောက်ပြွတ်တင်ရေ။ ထိုင်စော်က ဘေးစောင်း။ ထမီတိလီမာပျံ ပျံပနာ မြင်လို့လေ့မကောင်း။ လူးကျဖို့ရာခိုင်နှုန်းကအပြည့်။ ဆိုင်ကယ်ကို မောင်းရေကယ်ရီသမားလေ့ ခုမှမြင်ဖူးသိ စီးရေလူလေ့ ခုမှမြင်ဖူးကပ်သိ။ အချေကစပ်ပိုင်ထင်နီကပ်တေ ။ ကယ်ရီသမားတိလေ့ ရမ်းရေလားဆိုစော်မာ။ ကိုယ့်  ခရီးသည်ရေ ဆိုင်ကယ်နဲ့ ကျွမ်းဝင်ယင့်လား စီးဖူးလား ။ အားနဲ့မောင်းလို့ အဆင်ပြေဖို့ အသက်အရွယ်လား မသိ ။ ဒုံးကျီလောက်ပြင်းအောင် မောင်းဖို့ရာသိကပ်တေ။ ကျကျန်ခလားတောင်သိဖို့မဟုတ်။ သက်ဆိုင်ရာက အရေးယူ စည်းကမ်းထုတ်ပြန်မှုလေ့မဟိ ။ ရင်တမမနဲ့ နီကပ်ရရေ။ အားလုံးယာဉ်အန္တရာယ်ကင်းရှင်းကပ်ပါစီ။
>ရသေ့တောင်မြို့သားတစ်ဦး၏ စေတနာအမြင်
Thar Gyi [fb]
Monday, November 2, 2015
ဆိုင်ကယ်စတန့်မင်းသားတိက မကန်
Subscribe to:
Post Comments (Atom)
No comments:
Post a Comment